ГОЛ ГАТЛАХ ГЭЖ ЯВААД УСАНД СУУСАН АВТОМАШИНЫГ ГАРГАЖ, ЗУРГААН ИРГЭНИЙ АМЬ НАСЫГ АВАРЧЭЭ.

2018-07-23 08:20


 Налайх дүүргийн Онцгой байдлын хэлтсийн Гал унтраах, аврах 28 дугаар ангийн жижүүрт иргэдээс ирсэн дуудлагаар тухай бүр бие бүрэлдэхүүн чиг үүргийн дагуу ажиллаж болзошгүй гамшигт өртөх, эрсдлийг бууруулах ажлыг зохион байгуулан хэрэгжүүлж байна.  Тодруулбал, 2018 оны 07 дугаар  сарын 22-ны өдөр Налайх дүүргийн 6 дугаар хороо Мойлтын тохойд, мөн 6 дугаар хорооны Тэнгэрийн энерги амралтын газрын хойд гарам дээр усанд боогдоод гарч чадахгүй байна гэсэн дуудлагаар хэлтсийн орлогч, дэд хурандаа Л.Чинбатаар ахлуулсан 7 албан хаагч, 1 автомашинтай дуудлага өгсөн газарт очиж голын усанд боогдсон 3-29 настай 3 иргэнийг зөөвөрлөн аюулгүй газарт шилжүүлсэн байна. Мөн иргэн Т.Ариунаа, Л.Эрхэмбаяр нарын автомашинуудыг Туул голын усанд суусан байсныг татаж гарган машин дотор байсан 3 иргэнийг уснаас аюулгүй газарт шилжүүлэн амь насыг нь аварчээ.  Голын ус үерлэсэн үед автомашинтай гол гатлах гэж яваад усанд суусан дуудлага тус хэлтсийн жижүүрт ирэх нь ихсэж байгаа бөгөөд тус  хэлтсийн даргын үүрэгийн дагуу бэлтгэл ээлжийн албан хаагчдыг голын усанд ихээр орж байгаа хэсэгт томилгоожуулан хөдөлгөөнт эргүүлээр ажиллуулж ард иргэдэд голын усанд орохгүй байх, бага насны болон өндөр настнуудад тавих анхаарлаа сулруулахгүй байж, голын усанд эрсдэх аюулаас урьдчилан сэргийлэхийг анхааруулж байна.

 

 

Сэтгэгдэл үлдээх